超新手之認識技能篇 -- 戰鬥技能

RuneScape 既技能可以分做戰鬥技能(combat skills)同非戰鬥技能(non-combat skills)。

顧名思義，戰鬥技能就係同戰鬥有關既技能。咁戰鬥技能有d咩呢？

首先，RuneScape有3種戰鬥方式：

近攻(Melee)、遠攻(Ranged)同魔法(Magic)。

咁同近攻有關既技能有Attack同Strength：

Attack(劍icon)會影響你 近攻 既命中率，同埋高等級既近攻武器要高Attack等級。

Strength(拳頭icon)會影響你 近攻 既傷害，高Strength會打人痛d。

而遠攻(Ranged)同魔法(Magic)既相關戰鬥技能係同一個名。

Ranged(弓箭icon) 會提升 遠攻 既命中率同傷害，同埋高等級既遠攻武器要高Ranged等級。

Magic(魔術帽icon) 會提升 魔法 攻擊既命中率，但不直接影響魔法傷害。高等級既Magic會解鎖更多咒語(spells), 更會提升對魔法攻擊的防御力。此外, 高等級既魔攻武器要高Magic等級。

攻擊以外，以下技能同戰鬥都係色色相關：

Defence(盾icon)可以減低對方攻擊既命中率，同埋高等級既防具(armour)要高Defence等級。

Constitution(紅心icon)影響角色既最大生命值(life points), 每1等級 Constitution 會有 100 生命值（紅色條）。每個人一開始有10 Constitution，即係1000 生命值。

Prayer(十字星icon)可以發動幫助戰鬥的經文(prayer)，高等級既Prayer會解鎖更多經文。啟用經文會消耗經文值(prayer points)。每1等級 Prayer 會有 10 經文值（藍色條）。經文值不會隨時間自動回復。

Summoning(狼icon)可以召喚幻獸(familiars)幫助角色戰鬥，高等級既Summoning會解鎖更多幻獸。